សម្លម្ជូរត្រកួនសាច់មាន់

សម្លម្ជូរត្រកួនសាច់មាន់គឹជាមុខម្ហូបដ៏សាមញមួយមុខដែលពេញនិយមសម្រាប់ប្រជាជនខ្មែរ នៅតាមជនបទប្រជាជនចូលចិត្តចម្អិនមុខម្ហូបនេះជាមួយត្រី កង្កែប អន្ទង់ អណ្តើកនិងខ្បងទៅតាមចំណង់ចំណូលចិត្ត។

ត្រកួន គឺជា​បន្លែ​ពេញនិយម​មួយ​ប្រភេទ ដែល​ប្រជាជន​ខ្មែរ​យើង​យកមក​ចម្អិន​ជា​ម្ហូបអាហារ​ជាច្រើន​មុខ ហើយក្រៅពីជា​បន្លែ​ហើយ​នោះ ត្រកួន​ក៏​ជា​ឱសថ​បុរាណ​មួយ​ប្រភេទ​ដែល​អាច​ព្យាបាល​ជំងឺ​បានជា​ច្រើន​មុខ ដែល​យើង​មិន​ធ្លាប់​បានដឹង​ពីមុនមក។

គ្រឿងផ្សំ

របៀបធ្វើ

1. កំដៅឆ្នាំងសម្ល ពេលឆ្នាំងក្តៅហើយដាក់ប្រេងឆានិងខ្ទឹមសចូល
2. បំពងខ្ទឹមសរហូតដល់ខ្ទឹមប្រែពណ៌ត្នោតបន្ទាប់មកដួសខ្ទឹមបំពងដាក់ចានរួចទុកនៅម្ខាង
3. ដាក់ស្លឺកគ្រៃ សាច់មាន់និងអំបិលចូលទៅក្នុងឆ្នាំងសម្លជាមួយនិងខ្ទឹមបំពងរួចហើយបំពងរហូតដល់សាច់មាន់ប្រែពណ៌ទៅជាពណ៌ត្នោតខ្ចី
4. ចាក់ទឹកចូលនិងចម្អិនរហូតដល់សាច់មាន់ឆ្អិនល្អ
5. ថែមគ្រឿងដោយដាក់អំពិលទុំ ស្ករនិងទឹកត្រី
6. ដាក់ត្រកួនចូលហើយកូររហូតឱ្យស៊ប់ល្អបន្ទាប់ស្ងោរហូតដល់ទឹកពុះម្តងទៀត
7. ដាក់ស្លឹកខ្ទឹម ជី ខ្ទឹមបំពងនិងម្ទេសចូល

កត់សម្គាល់

ជាទូទៅគេបរិភោគសម្លមួយប្រភេទនេះជាមួយបាយក្តៅៗ វាជាមុខម្ហូបដែលអ្នកនៅជនបទចូលចិត្តចម្អិនបរិភោគ។

មុខម្ហូបប្រហាក់ប្រហែល: សម្លម្ជូរសាច់មាន់មើមឈូក